Ka sorkar Meghalaya hei yachem ka dhab ki Montri sorkar ynne, da chim rai ki wow pteiñ ya ka samoi krehkaam ki MDC ka GHADC kiwa kattæ sa 6 bnai deiwa kheiñ nadooh ka April 18, 2026 hadooh October 18, 2026.
Hawa pyntip yeini, neiliang u Deputy Chief Minister uwa pait leh ya ka chnat District Council Affairs, u Prestone Tynsong, da ong u wa hadien wa yaklam bniah, da chim ya kani ka rai.
Kam wow pynkynmoo wa u Albinus R Marak da hiar chuki u kam u Chief Executive Member (CEM) ynne i step chwa wow pynman ya ka dorbar wa kyrpang yow wanrah ya ka No Confidence Motion pyrchah ya oo heiwa da jied noh da u Dhormanath Ch Sangma kam u CEM wa thymme wei da chna leh ya ka Executive Committee (EC) wa thymme.
U Prestone da ong u wa kattu chong ha ka EC wa thymme hadien wa da pynyinsur ka sorkar yei por wei neiliang ka sorkar leh daw chong yaklam ko wa u CEM thymme deilang ka EC kammon u leh hawa lai luti chakhmat.
Discussion about this post