Ynnin ka sngi heipor kamwa 4:00 waje, soo ngut ki bru da yap ki katwa le ngut won da mynsoo ki ha i oor khyndaw ha Niti Vihar, Itanagar
Ini da jia i hadien u slap wa joor wei i kynroh wa kah yei khyndaw da oor i ha kiwa kreh hajan ini i thaw.
Neiliang ki pulit wa ki SDRF da lai ki wut-wut cha ini i thaw heiwa da ye u sai ya 7 ngut wei 4 ngut na ki toh kiwa da yap katwa ya ki 3 ngut da kit cha thaw sumaar.
Kiwa yap da tip kam u Choki Tasar, u Ratan Burman, u Godak Raja wa u Godak Tabin katwa kiwa mynsoo won u Tatung Tajit, u Choki Takio wa u Hasinoor Ali.
U Chief Minister ka Arunachal Pradesh u Pema Khandu da phah u ya i sñiawlem cha kiwa ha-yung yong kiwa chah ktah heiwa da pynbna u leh Rs. 4 lak cha kiwa ha-yung kiwa yap wa mar Rs. 16,000 cha kiwa mynsoo.
Neiliang ki bor sorkar da kyntu ki ya ki paidbah wow man kiwa husiar hawa em u slap wa joor.
Discussion about this post