Ha ka dorbar wa kyrpang ka GHADC u wanrah yei pynkylla ya ki kyndon yow khang laad ya ki Non-Tribal

U Symbood Montri Rangbah ka jylla uwa pait ya ka chnat District Council Affairs (DCA), u Prestone Tynsong da ong u wa i khut dorbar kyrpang (Special Session) yong u Lat ka jylla ya ka Garo Hills Autonomous District Council (GHADC) toh yow wanrah yei pynkylla næ Amendment ya ka aiñ AD Rules wei kawi won toh yow mynjur ya ka mang tangka.

Hawa klam ynne ka sngi, u Prestone da ong u wa chong ha ka Executive Committee ka GHADC wa ka dorbar yow wanrah ki yei yi u pynkylla wei neiliang yong oo ym ye u wow ong iyi iyi neibhah wa toh i kaam yong ki wei daw pait won manda mynjur ki hapoh ka dorbar.

Katkam wa tip, ha ka dorbar ka GHADC daw wanrah ko yei pynkylla ya ka AD Rules kawa 8 wa 128 yong ka Assam and Meghalaya Autonomous Districts (Constitution of District Councils) Rules, 1951, khnang wow khang laad ya ki baar jylla næ Non-Tribal wow chimbynta ha ka Election ka District Council.

Related posts

I sarom ya ka JHADC wym em ka Website wa krehkaam pynsñiaw ki MDC Liang Pyrchah

March 20, 2026

Daw pynboon ya ki bor pulit ha waroh kawi ka jylla yow lait u thut i lehkmen Id ki Muslim: Prestone

March 20, 2026

Kam wow kdaw heini, u Lat ka jylla da e bor u pynman ya ka dorbar Special Session ka GHADC ha ka 23 wa 24 tarik uni u bnai March.