Iwa jia ha Garo Hills toh nei joor thiang thylliej ka sorkar | I pyndam Election toh wa tieñ ya rem: Vincent

U President ka Meghalaya Pradesh Congress Committee (MPCC), u Vincent H Pala da pynbaad u wa iwa jia kynaad hapoh Garo Hills ini wa dep toh neidaw wa thiang thylliej palat ka sorkar MDA khlem hoi ha iwon iwon.

Hawa klam ynne ka sngi, u Vincent Pala da ong u wa ka sorkar da tip chwa ko yeini wa jia neibhah chwa wow jia, ki seiñbhalang na Garo Hills da maham ki tangwa ka sorkar ym ap ko wei ym em leh ko iyi iyi leh tangwa da pyrchang ko wow pynthiang thylliej pathan wei pynlai yaaw ya ki kaam wym ler.

Heijooh i por da ong u wa i pynjrong ka sorkar ya ka samoi ka GHADC toh i wym chongnai wei da leh du neidaw wa sñiawthooh wa daw rem pynsih lada lai chakhmat ya ka Election.

Da ong u leh wa i mih kynrum kynram toh du ha ki 2-3 tylli ki Constituency wei ym emkaam wow pynjrong ya ka samoi krehkaam hadooh 6 bnai tangwa toh u pynsangeh du chibet chipor donhi.

Related posts

Pynskem ka MPUF ya ka Mawryngkneng Block Circle

June 14, 2026

Kyrpaad ka JAC ki seiñ kiwa kamai Truck ha Jaiñtia Hills wow chimkabu ya ka OTS wa wanrah ka sorkar

June 14, 2026