U Symbood Montri Rangbah ka jylla uwa pait ya ka chnat Home (Police), u Prestone Tynsong da ong u wa ka sorkar da phah ko ya ki bor District waroh ha ka jylla wow pynjoor yei em ki pulit wow pait ha ka sngi lehkmen ki Muslim ya ka Id yow lait u em iwon iwon i thut.
Ini i phah ka sorkar ya ki bor District toh hadien wa mih iwa jia dang ini wa dep ha Garo Hills heiwa da mih i kynaad neidaw wa yoh u chimbynta ki baar jylla (Non-Tribal) ha ka Election GHADC.
Hawa klam ynne ka sngi, u Prestone da ong u wa kitu kiwa tyngkheiñ aiñ daw chah taan ki ha ka aiñ wei ka sorkar dang takit ko yeiwa jia ha Garo Hills yow lait u em i chah ktah ki kaam saaiñ pyrthai neini wa jia.
U Prestone da ong u wa kamwa man kattæ, ka Garo Hills da man ko kawa jai-jai wei i suk da wan biang i. Heijooh i por da ong u wa ka sorkar daw pyntikna ko wa ka thaaiñ khappood daw man ko kawa suk kawa saiñ khamtam i em Election ha jylla Assam ha u bnai wow wan.
Discussion about this post