I sarom ya ka JHADC wym em ka Website wa krehkaam pynsñiaw ki MDC Liang Pyrchah

U MDC ka Liang Pyrchah, u Soki Lapasam hawa wanrah ya ka mat yaklam hajrong i wym krehkaam ka Website yong ka JHADC la 7 snem tam, deiwa ong u wa kani da ktah ko ya ka burom yong ka Council neibhah boon ki khynroo khyllood wa lai puræ wa ki bru thooh bniah kiwa kwah u tip heiyatoh wa ka JHADC wa i krehkaam yong ka tangwa pynyoo pathan wa kat ka council ym em ko ya ka Website wa krehkaam.

Deiwa ong leh wa ha kani ka juk katni da ye u sakhi wa wot ki Company wa khian leh da em bait ki ya ka Website katwa ka Council won ym em ko.

Ya kani ka mat u Soki Lapasam da wanrah u ha ka sngi khaddooh ka dorbar mang poisa ka JHADC.

Related posts

E yarap u MP Rs.1 klur cha ka CJP yow yasaaid neibynta kiwa chah pynngat hapoh ka aiñ

July 28, 2026

Noh uwi chapoh ka thaw thang yei metyap ka beipun u | Poor i Video ini wa jia

July 28, 2026

Hawa pynrap hajrong kani ka mat neiliang uwa yahkhmat Liang Pyrchah u Awhai Andrew Shullai leh deilang ki dkhot liang pyrchah da kyntu ki ya ka EC u smat pyndep ki ya ka Website neibhah deiwa em ya ka Website u pynsuk ko leh ya chiboon ki kaam wa yatoh wa ki paidbah.

Hawa jubab wei pynche yeini, u Excutive Member wa pait ya ka chnat Information Technology, u Melding M Swer pyntip u wa kamwa man katte ka Council da leh chitom ko u pynyoh ya ka Website ka Council heiwa da yasoi soskular waka NIC neibynta u chna wei pynbiang ya ka Website yong ka Council, wei yaka poisa deilang i emkaam waroh da dep su lut, wei da antaad wow smat ye pyndep ha ki kajiak sngi wow wan.