Maham ka sorkar ya ki Hotel ki Restaurant kiwa kheiñ deilang ka bai Gas ha ka Bill

Ka sorkar pyrdi lyngba ka Central Consumer Protection Authority (CCPA) da ong ko wa katkam ka aiñ Consumer Protection Act, 2019, hapoh ka Section 10 da ong wa emkaam wow yada ya ki paidbah wa thied tiar nei chah chim kabu ha kiwa dai tiar wa kiwa khayi pateiñ.

Kamtæ ka CCPA da ong ko wa ha kini ki sngi da yoo yeiwa mih khubor wa em ki Hotel ki Restaurant da kheiñ ki deilang ka bai LPG, ki Gas Surcharge, ki Fuel Cost Recovery, Gas Crisis Charge wa kiwi de ki kyntien kiwa da pynemkaam hawa kheiñ Bill najrong i dor ka bai baam wa da thoh ha ka Menu.

Ka CCPA da ong ko wa lada kheiñ palat yei dor wa da booh da man ko pyrchah ya ka aiñ. Neibhah ka bai bordiñ, ka bai Gas wa kiwi de man ki kam chibynta wow pynlai yei kaam i jaam (Business) wei toh u kheiñ leh yeini hei dor ki mar wa dai tangwa wow booh da i yong ki hi ka bhah wow pynyoo wa hap su da ki bru man ko pyrchah aiñ.

Related posts

Pynkut ka kynthai na Nagaland yei mynsien neidaw wa chah pyndik ha ki ar ngut ki chynrang ha Karnataka

March 25, 2026

Ar tylli ki Truck deilang kawi ka Alto wa kit mooyong pyrchah aiñ yoh kem ki pulit ka East Jaiñtia

March 25, 2026

Hajrong ini, ka CCPA da khang ko wow kheiñ ki LPG Charges, Gas Surcharge, Fuel Cost Recovery, Gas Crisis Charge wa kiwi de kamni ha ki Bill wei i dor toh u man kam iwa da em chwa ha ka Menu ymtoh wow pyntam.

Lada ki paidbah chem ki wa em wa leh kamni ye ki wow ujor cha ka National Consumer Helpline (NCH) wei ye leh u Phone ha u 1915 næ deiwa pynemkaam da ka NCH Mobile App næ deiwa ujor ha ka Website ka Jagriti www.e-jagriti.com wei ye leh wow phah email cha ka CCPA ha [email protected].