Kam chibynta wow pynbha pyntikna wa ka um deilang ki baam hapoh ka jylla man ki kiwa chngaaiñ wow pynemkaam, neiliang ka State Food Testing Laboratory kawa em hapoh ka Commissionerate of Food Safety, Meghalaya, da wai paidbah ko ya ar tylli ki kor (Analytical Instruments) kawi ka Automated Water Analyser wa ka GC-FID (Gas Chromatograph with Flame Ionization Detector) heipor wa pynman ya ka 2nd Technical Session ha Conference Hall, State Food Testing Laboratory, Pasteur Hills, Lawmali, Shillong.
Kini ki kor man ki yow pait yei bha i miat ki baam wa ka um deiwa pynemkaam da ki stat ka juk wa katni wei da wan wai ki da u Wailadmiki Shylla, Montri ka chnat Health & Family Welfare kam u kongsan deiwa emlang u Dr. Sampath Kumar, Additional Chief Secretary ka sorkar Meghalaya, chirup wa ka Rosetta M Kurbah, Deputy Commissioner, East Khasi Hills.
Ka kor Automated Water Analyser toh kawa ye u Test deiwa smat wei deiwa tikna yei bha i miat ka um yow tip leh kammon man ki um-dih wa em hapoh ka jylla. Ka kor GC-FID won toh kawa u kheiñ kiyi wa da em ha ki baam yow tip tikna wa man ki kiwa bha wow pynemkaam.
Ha ka Technical Session da klam hajrong ka phang, “Strengthening Food Safety Ecosystem through Science & Awareness,” heiwa da chimbynta nadooh kiwa em ha ka sorkar, ki Scientist, ki Food Safety Officers wa kiwi de kiwa da yaphyllu bniah heiyatoh wa ki kaam wow pynman yei baam iwa bha wa miat hapoh ka Meghalaya waroh kawi.
Discussion about this post