Ka kynthai kawa dang 22 snem kawa na Nagaland da chem yei metyap ko ynne ka sngi ha sor Chikkamagaluru, Karnataka heiwa da suba wa da pynkut ko yei mynsien yong ka hi neidaw wa chah pyndik ko ha ki ar ngut ki chynrang.
Yeini da chem ha ka Diary yong ka kawa da yoh ki pulit wow pait heiwa da thoh ko chaphang i chah pyndik dei wym neh chah de ha ki ar ngut ki chynrang.
Kani kawa yap da tip kam ka Linsula kawa na Kiphire District ka Nagaland.
Yei metyap ko da chem deiwa sdien ha u tylle ha i yungwai wa sah ko ha Aravindnagar, Chikkamagaluru.
Da kreh ko ha Global Village Resort, wei da wan ko cha kani ka thaw yow yoh khih wei kyrchaan ya ka yung ka sem ko.
Katkam wa chem i takit wa sdang, ka Linsula da yaklam Phone khaddooh ko kamwa chiteiñ kynta wa kawi kawa tip kam ka Kivishe Kinimi. Ki pulit da chem ki leh ya ka Diary na kani ka thaw wa sah heiwa da pynmih ko yei pyrtuid ki ar ngut ki khynroo, u Rajesh wa u Tejas, heiwa da pynbaad ko wa da pyndik pynchitom ki ka deiwa pynbor wow yalang chan wa ka.
Ha kani ka Diary da thoh ko leh yei kitkhlieh yong ka neibynta ka yung ka sem ko nadooh wow kreh yow pyndap yei emkaam ka bei wa u pa ko kiwa kjut wa chitom wei tieñ ko leh u dooh yei kreh deilang ka tulop deiwa leh kini ki bru.
Ya ka ujor da booh da ka Lashila Inchugar kawa na Nagaland tangwa kawa sah ha Bengaluru wei ya ka ujor da booh ha Basavanahalli Police Station pyrchah ya u Rajesh wa u Tejas.
Neiliang ki pulit da chimkti ki ya kani ka Diary wei da lai ki leh cha i yung wa jia ini yow kit yei metyap yow phah leh Post-Mortem wei da Register ki leh ya ka Case.
Ka takit dang lai ko chakhmat yow tip tikna wa pynkut hi ko yei mynsien lane wa emkti kiwi wow leh.
Discussion about this post