Kyntu ka PSM na u DC wow pynman smat ka Written Test ki kreh Grade IV ka DSC ha West Jaiñtia

Ka Pnar Student Movement (PSM) da e khublei ko ya u Deputy Commissioner ka West Jaiñtia Hills District, u Abhinav Kumar Sing kamjooh ya ka ADC, ka B. Blah kiwa da chimkhia u pynmih ya ka Result DSC katkam wa dawa ka seiñ.

Ka seiñ da pynkynmoo ko wa ha ka 5 tarik uni u bnai da lai booh ko dei thoh ha u Deputy Commissioner ka District wei da yachem leh wa ka ADC heiwa da kular ko wow yaleh chitom wow yaklam wa u DC heiwa da ye noh wow pynmih ya ka Result DSC ynnin ka sngi.

Neiliang ka PSM leh da kyrpaad joor wei da kyntu ko ya u Deputy Commissioner wow sñiawbha u pynche wa ileh mih ar tylli jooh ki Roll Number khnang wow che kiwa yalehkreh waroh.

Da kyntu leh wow khut smat ya ka Written Test neibynta ka Post Grade IV kamwa 60 tylli, khnang wow lait u chah ktah ki neidaw boon na kiwa yaleh kreh kattæ da sdang ki wow em palat rta.

Related posts

Khut ki pulit ya uwa yah Scooty uwa chah tyrrah ha ka Bolero Pick-up wow wan u chakhmat

November 7, 2026

Ki Khasi chah kyrriah ki na ki thaw chong dai katwa kiwa em ha Them Metor ym ye u pynkhih | Lai wah Banner ka HANM ha ki yung sah u CM

November 7, 2026