Jowai : Ka Hynñiewtrep Student Union (HSU) hadien wa da dawa ko na ka sorkar jylla wow pynbait noh ya u pood u ang hapyrdi ka jylla Meghalaya wa ka jylla Assam wei neidaw wym chimkhia ko yeini da rai wow thoh noh cha u Montri Rangbah dooh ka ri u Narendra Modi wow tuklar yeini wow wanrah yei chongsuk ha kini ki thaaiñ.
U president ka seiñ u Kyrshan Rymbai da pynap u yei sñiawkhia wa joor hei yatoh wa i eh i khoo wa yachem ki paidbah khamtam wei kam thaw ka sorkar Assam wei ki kaam thombor ki pulit ka Assam.
Da kdaw leh yei chah siat ki Khasi Pnar ha chnong Mukroh ha u snem 2012 wa ha chnong Langpih kiwa da jia du neidaw wym biang u pood u ang wa ka jylla Assam.
Ka seiñ da ong ko wa emkaam u pynbait noh ya u pood u ang wei kamjooh leh wow pynkreh noh ya ka Inner Line Permit (ILP).
Ka sorkar MUA hapoh i yahkhmat u Dr. Mukul Sangma toh kawa ym em i kitkhlieh neibynta ka jylla wa ki paidbah ka jylla.
Ka seiñ da maham ko leh wa lada ka sorkar ym ye ko u leh yeini hachwa ka election 2018 ka seiñ daw boycott ko ya ki ryngkat wa kiwa chong chnong kiwa chong wa sah ha ki thaiñ khappood
Discussion about this post