Pyndam ka JHADC yei e bor khloh moo na ka wah Malidor

Ka KSU-Narpuh Circle ha ka 25 tarik uni u bnai da hiar biang ko cha ka wah Malidor yow booddien yeiwa da pyrchah ka seiñ yei khloh moo pyrchah aiñ na kani ka wah hadien wa dadep wow lai pait ha ka 24 tarik u Thohlakhmi (Feb), 2026 wei da dawa leh na ka JHADC wow chimkhia ko yeini neibhah ini man ko i kaamram ka Council wow yada ya ki um ki wah, i khyndaw u chyiap.

Ha katai ka sngi da chem wa ka JHADC lyngba ka chnat Forest da pyndam ko yei e bor namo ka Permission cha uwi u bru wow khloh moo na ka wah Malidor ha ka chithi wa da phah cha uni u bru ha ka 13 tarik uni u bnai.

Ha ka Permission kawa da e nyngkong da ong wa da e bor wow khloh moo hadooh le snem nadooh ka 31-03-26 hadooh ka 31-03-29 tangwa yei khloh moo da mut wow sdang nadooh ka 22-03-26 heiwa kiwa chong chnong ka Rattachera mar ya tip ki yeini da lai hiar ki cha ka wah yow beh ya waroh ki bru wa mut wow leh yeini i kaam.

Kamtæ ka seiñ ynnin ka sngi da lai hiar ko cha kani ka thaw deilang wa kiwa mihkhmat ka Dorbar Chnong Rattachera yow pyntikna wa da pynsangeh sakhiat ya kani ka Permission katam ka chithi wa da soi da u Chief Forest Officer ka JHADC.

Related posts

Yap 23 ngut hadien wa noh ka Bus cha um chwa wa mut u ku jhaad  

March 26, 2026

Da sdang ya ka Higher Secondary ka Wahiajer Presbyterian School

March 26, 2026

Ka seiñ da ong ko wa daw hiar ko neipor cheipor cha kani ka thaw yow pait ya kiwon kiwon kiwa pyrchang wow khloh moo pyrchah aiñ na kani ka wah neibhah kani ka wah man ko kam u pood u ang ka jylla.

Heijooh i por da e khublei leh ya ka Dorbar Chnong Rattachera, Dorbar Chnong Malidor yei ya krehlang ki wa ka seiñ kamjooh leh da e khublei ya ka JHADC da pyndam ko ya kani ka Permission wei kamjooh ya ka MDC ka thaaiñ, ka Deivipaya Tongper wa da lai rah ko ya kani ka phang wow klam yeiwa jia ha ka wah Malidor hapoh ka dorbar ka JHADC kawa dang dep pynman.