Pynmih kyndon ka seiñ ki tre hali wa pynemkaam um na Ban Um Mublai, Pynthor Wah Jowai

Ka seiñ ki tre hali wa pynemkaam um na ka Ban Um Mublai, Pynthor Wah, Jowai da pynmih ko ya ki kyndon wow khang pyrchah ya ki bru wow leh ya ki kaam wa ktah ya ka um na ka Ban Mublai wa pynemkaam ki hei rep i riang.

Ka seiñ da khang pyrchah ko wym hoi de u lai ki Scooty, Bike, kari khian nadooh Pohkhyllem ha chilynter ka Ban Um chadooh Pohchyrmang.

Da khang wym hoi de u sait kari harood ka dooid um, ha sarok ha Pohkhyllem neidaw wa jakhlia ka um ka wow dih, ka um baam ya ki warep wa em cha wah yong ini i thaw.

Chooh chooh da khang wym hoi de u noh jhep kam ki tiar wa pyut, Plastic, kot jakhlia naki yung ki sem kiwa lai cha kini ki thaw, kamjooh harood dooid Ban Um ha Pohkhyllem.

Related posts

Dei sñiaw kmen sñiaw sarong pdiang burom ya ka Aishwariya Malang ha Jowai kawa jop Miss Teen Diva 2026

July 22, 2026

Iñ ka Truck ka FCI kawa kit khoo hawa dang mut wow lai cha Jaiñtia Hills

July 22, 2026

Lada chem ya kiwa leh pyrchah ya kini ki kyndon, neiliang ki tre hali u daiñ ki da ka kuna (Fine).

“Yooluti wa kiwa lai cheini i thaw u krehlang ki wa i neibhah i im i deiwa pynemkaam ya kani ka um hei rep,” da ong u President ka Water User Association, Mublai FIP, Panaliar Jowai.