Phah hajir ki pulit ya u heh ka HYC

U heh ka HYC, u Roy Kupar Synrem ynne da lai hajir u ha Sardar Police Station heiyatoh wa ka Suo Motu FIR pyrchah ya oo ha Lumdiengjri Police Station.

U Roy Kupar da ong u wa da chah hajir u hadien ka FIR wa ujor ha ka 14 tarik uni u bnai hawa klam u heipor wa man ka yalang paidbah ka Coordination Committee of Meghalaya Social Organisations (CoMSO) ha ka 11 tarik March.

Ha ka FIR da ong wa i klam u da poor i ha social media, wei iwi na ki kyntien wa pynemkaam u toh iwa sñiaw pynyaphær jaitbru ha ka jylla wa ka ri waroh kawi. 

Related posts

Mar ya yoo pulit ieh uwi ya ka thuk-thuk wa chah tooh na Jowai ha u sarok Amlarem-Muktapur

September 23, 2026

Napoh i dukan dai soh ha Delhi chna drugs kiwa na baar ri yow pynpoi cha kylleiñ ka ri

September 23, 2026

Ka FIR wa ar won toh i ong u wa lada emkaam kyrchaan ki jaitbru Garo, ki jaitbru wa ki seiñ Ynñiawtrep u yarap ki.

U Roy da pynche u leh wa ka Suo Motu toh wa da leh da ki pulit wei ymtoh deiwa em wa ujor ki bru pyrchah ya oo.