Kam chibynta wow khoom u kdoh ya ki thaw esikai Coaching Centre, ka sorkar Meghalaya da pynmih ko ya ka hukum wa waroh ki Private Coaching Centre wow register ki wa ka Education Department.
Kani toh katkam ka Notification ka Meghalaya Registration of Private Coaching Centre Rules, 2026, wei da leh yeini ha ka thong wow kdoh ya ki Online wa Offline Coaching Centre hapoh ki kyndon aiñ wa pynmih da ka yung krehkaam Deputy Commissioner’s Office, East Khasi Hills District.
Hapoh ki kyndon thymme ki Coaching Centre emkaam ki wow pyntikna wa ki khynnah u yoh ki yei chngaaiñ kamjooh leh yoh u pynbait yeiwa duna næ yeiwa emkaam ki.
Chooh ya kini ki kyndon da chna katkam ka hukum na ka mukotduma ha Supreme Court wa tip kam ka Sukdeb Saha vs. State of Andhra Pradesh & Others (2025) heiwa ka Court da ong ko wa emkaam u pait u sylli yei krehkaam ki Private Coaching Centre.
Kamtæ ki Coaching Centre wa em ha East Khasi Hills hap register noh ki katkam ki kyndon.
Discussion about this post