Ynne ka sngi ka 4-Mowkaiaw NPP da yoh ko u pynkha wei pynskem ya kiwa kitkaam wa pura ka 12-Barato Mukroh NPYF ha ka yalang wa pynlai da u Pyndapwanmi Shadap Passah uwa man leh u Youth President yong ka NPP 4-Mowkaiaw Block wei da pynskem ya kiwa kitkaam wa ki dkhot da u Heirtami Suting uwa man kam u President ka 4-Mowkaiaw Block Committee.
Hawa e yei klam neiliang u Heirtami da ong u wa du ka yatylli donhi hapoh ka Party yow ye u wanrah yei roi i paar chapoh ka Constituency wei da ong u leh wa neibynta wow pynku namo wow Upgrade ya ka Laskein Block cha ka Civil Sub-Division toh u em i ya krehlang wa i suk i saaiñ hapoh ka Party, ymtoh u ya piah ya pra.
Da ong u leh wa lada ka Party u jied ko ya uwon uwon u kyrtong wow yakhun ha ki Election waphær waphær, i kam ki bru Party toh u em i yakrehlang neibynta i bha i miat ka Constituency waroh kawi, wei wa da toh i por leh wow khyrngiat yong bru i ymtoh u chah yahbakla.
Neiliang won u Chanki Lyngdoh uwa man u Secretary ka NPP 4-Mowkaiaw Block Committee hawa e i yei klam da ong u wa ka NPP kawa yahkhmat ya ka sorkar em ko chiboon ki laad yarap neibynta ki khon khynroo, kamtæ da khut ya ki khynroo wow wan chakhmat wow ya krehlang chirup yow ye u thooh ki laad yarap na ki chnat sorkar waphær waphær.
Da yoh leh yei klam na ka Evalarina Lapasam kawa man ka Secretary ka Women’s Wing NPP 4-Mowkaiaw.
Hawa yoh yei klam na u Shiborlang Lamare, President NPYF 12-Barato Mukroh wa na u Banteishaphrang Maskut, Secretary NPYF 12-Barato Mukroh da kular ki wow kreh chitom yow wanrah chooh chooh ya ki khon khynroo chapoh ka NPP.
Ha kani ka sngi da ya emlang nadooh u Aibor Shadap kam u MDC ka thaaiñ uwa man leh u EM ka JHADC deilang wa u Ardakirang Rymbai, Secretary NPYF 4-Mowkaiaw Block.
Kiwa kitkaam ka 12-Barato Mukroh NPYF man ki kamni:
President- U Shiborlang Lamare
Vice Ppresident- U Shirup Suchiang
Secretary- U Bantei Shaphrang Maskut
Ki dkhot – u Buddies Rymbai, u Dawtip Situng, u Odamehi Pala, u Salaimiki Dkhar, u Aiborlang Shadap, Hynruki Dkhar, Thrang Suchiang wa u Ising Shadap.
Ya ka yalang da pynwai da u Pyndapwanmi Shadap Passah uwa da e ki kyntien kyrkhu kyrdoh ya waroh.
Discussion about this post