Ka Election Commission of India (ECI) da phah ko wow Suspend ya le ngut ki bru ka Central Reserve Police Force (CRPF) ha West Bengal, deiwa e daw wa mylliñ ki yei kaamram yong ki wei wow man ki wym leh chiliang hawa lai Election Duty.
Ini wa leh ka ECI toh hadien wa jia ynnin ka sngi heiwa kini ki CRPF kiwa booh wow lai leh Patrol ha Birbhum District da lai psiah ki ha Office ka All India Trinamool Congress (TMC) wa em ha kani ka thaaiñ heiwa da yaklam ki wa ki dkhot ka Party wei da yaleh Carrom ki kamwa chi kynta.
Ki heh ka Election Commission da chrai ki hadien wa tip ki yeini wa jia heiwa da phah wow pynman ka takit smat wei pyn hei miet da Suspend ya kini ki le ngut. Da pynmih hukum leh wow pynman takit da ka CRPF yeini wa jia.
Ka ECI da ong ko wa manda jia kamni daw pynartatien ko ya ki paidbah wym em i leh chiliang heipor Election.
Ka Election ha West Bengal toh kawa da booh wow pynman ha u bnai wow wan nadooh ka 23 hadooh ka 29 tarik u April heiwa ya ka Vote u ñiaw ha ka 4 tarik u May.
Discussion about this post