Kam chibynta wow pynsuk ya ki paidbah wa pynemkaam phñiang charak hei chet wei wow pyntikna wa lai bait i rukom saam yeini i phñiang hadien wa sdang ka thma Iran, ka Ministry of Petroleum and Natural Gas da pynmih hukum ko wow myntoi ki 21 tylli ki jylla wa Union Territory.
Ha ka hukum da chah ya ki Petrol Pump wa pynlai ka sorkar kam ka Indian Oil Corporation, Bharat Petroleum Corporation Limited wa Hindustan Petroleum Corporation Limited wow dai phñiang charak cha ki paidbah.
Kawi ka Petrol Pump u ye ko wow booh hadooh 5,000 litre ini i phñiang wei u chah ar tylli ki Petrol Pump ha kawi ka district wow leh yeini.
Kani ka hukum daw pynmyntoi ko ya ki jylla kam ka Delhi, Haryana, Uttar Pradesh wa Gujarat wei u krehkaam chwa ko neibynta 60 sngi.
Chirup wa ki Petrol Pump daw dai leh ya i phñiang charak lyngba ki Dukan Rachon.
Ki heh sorkar da ong ki leh wa da wanrah biang yei phñiang charak kam chibynta wow salan i ya i bor wow chet u tu ha ki manyung lada duna ka LPG.
Discussion about this post