Ka Jaiñtia Students’ Union (JSU) Shillong Circle ynne da ekti ko ya ka dorkhat ha u Lat ka jylla wow ban ha ka sorkar pyrdi wow thooh ki laad wow yada ya ki bru na thaaiñ Northeast ha waroh kawi ka ri deiwa wanrah ya ka aiñ National Anti-Discrimination Law.
Da seiñ da sñiawkhia ko yei chah lehbeiñ wei chah thombor ki bru na ka thaaiñ ha kylleiñ ka ri deiwa kdaw yeiwa jia ya u Nido Tania, u Angel Chakma wa i chah klambeiñ ki kynthai na Arunachal Pradesh.
Da kdaw ko ya ka Constitution ka ri heiwa ka Article 14 kular ko wow man salonsar hakhmat ka aiñ wa ka Article 15 wow khang yei chah yoobeiñ næ thombor neidaw ka niam, jaitbru, thaw kha wa kiwi ki hok manbru.
Ka seiñ da ong ko wa ka aiñ National Anti-Discrimination Law u kynthup ko ya ki kyndon wow khang ya ki kaam yoobeiñ wei wow pynchitom ya kiwa leh pyrchah.
Da dawa ko wa ya kiwa klambeiñ ye u kset ya ki hadooh 6 bnai næ wa ka kuna, kiwa dat næ jrongkti deiwa kset hadooh 3 snem wa ka kuna, kiwa emkti hei kaam tynyap deiwa kset chi rta næ chong hei khia i kaam.
Ka seiñ da ong ko wa kam kani ka aiñ daw khang ko ya kam kini ki kaam yoobeiñ næ thombor neidaw wa phær ka jaitbru.
Discussion about this post