Ka State Executive Committee (SEC) yong ka Voice of the People Party (VPP), ynne da pyntip ko wa hadien wa pynman ko ya ka Executive Meeting, da chim ko ya ka rai wow mynjur yei pyrtuid u Dr. Batskhem Myrboh iwa da tyrwa da ka State Election Committee yow man kam u kyrtong ka Party ha kani ka Election chiteiñ samoi na ka 1-Shillong Parliamentary Constituency.
Yeini i rai da chim hadien wa da yaklam yillu da kiwa yahkhmat ka Party deiwa pyrkhat leh yei kreh chitom u Dr. Batskhem neibynta ka Party, ki yurim wa yieñ u, i rukom man u kam uwa yahkhmat wei yei chakri paidbah u.
Kamtæ da khut ko ya waroh ki dkhot deilang kiwa kyrchaan wow e ki yei krehlang yow pynjop ha kani ka Election wa daw wan.
Discussion about this post