U DC ka East Jaiñtia Hills District uwa man leh kam u Chairman ka District Selection Committee da pyntip u wa da mynjur wow pynkrehkaam ya 14 tylli ki mat heipor wa khut yaleh kreh kiwa man leh kam chibynta ki rai wa da chim ha ka yalang wa da emlang nadooh ki MLA ka thaaiñ, ki MDC deilang uwa yaleh RTI, u Reachingson Siangshai uwa da booddien yeini i kaam.
Manda khut yaleh kreh neini chakhmat, daw pynbna chwa ya ki Qualifying Marks hawa yaleh ya ka Physical, Language wa Typing Test kamjooh chwa wow pynman ya ka Written Exam.
U batai che leh katwon tylli ki kreh wa lait wei yeiwa emkaam u tip kiwa yaleh kreh nadooh ki tarik wa kiwi de daw pyntip lyngba ka SMS, Email wa WhatsApp iwa daw leh da ka DIO, NIC.
Kini ki khut yalehkreh daw pynman ha u bnai April-May 2026.
Ki Question Paper leh u pynkhreh ar thup (Two Sets) wei yeini u leh deiwa yang yoh mynjur ka Personnel Department neibhah wa ku i lut i sep. U pynemkaam leh ya ki Multiple Question Paper Series (A,B,C,D).
Heiyatoh wa i dawa wow pynemkaam da ki Signal Jammer yow khang Internet, yeini dang yaklam wa ka sorkar lada chah wow leh.
U pyntikna leh wym chah u rah Mobile Phone chapoh ka thaw thoh Exam heiwa daw booh da ki Counter yow booh ya ki Mobile Phone.
Ki Answer Keys daw pynmih ki mar ya pyndep ya ka Exam wei u chah leh u rah ya ki Question Paper.
Ya ka Final Result u pynmih pyn haka jooh ka sngi wa pynman ya ka Interview wei i rukom kheiñ Marks ya ka Interview u man ko katkam ki kyndon.
U booh leh da ka Tie-Breaker Rule deiwa jied ya kiwa yoh Highest Mark ha ka Written Exam.
Neibynta kiwa em wa ujor, da em ka Grievance Redressal heiwa ya ki ujor ye u phah cha u Member Secretary ka DSC, East Jaiñtia Hills District, Khliehriat.
Discussion about this post