Rs. 40 ha kti wa Rs. 44 ha Bank em ka kyrtong MLA ka Kerala

Ha ini i por wa em ki Election MLA ha kiwa boon ki jylla ka ri India heiwa ka lai yalap leh da chit bha ko deiwa pynlut leh ka poisa wa boon. Da em kawi ka kyrtong kawa na Kerala na Ettumanoor Constituency kawa ye u man kawa duna spah dooh na waroh ki kyrtong.

Kani toh kawa tip kam ka Ashna Thampi (26 snem) kawa man kam ka kyrtong ka Socialist Unity Centre of India (Communist), heiwa da man ko kam kawa dooh dooh na ki kyrtong wow yaleh MLA na Kerala hadien wa ha ka Election Affidavit ko da ong wa em ko ki mar ki mata kiwa chongdor Rs. 84. Ha kti ko em ko Rs. 40 katwa ha ka Bank Account da em ko Rs. 44 wei ym em ko leh yei yung i sem, i thaw i bhaw, i ksiar i rupa næ ki kari.

Ini da man ko iwa phær bha heiwa kiwi ki kyrtong da em ki da ki klur tangka.

Ka Ashna toh kawa da biang ka puræ puthi, kawa man leh kam ka bru wa kreh monsñiawbha.

Da em ko ya ka Degree ha ka Literature wa ka Postgraduate Diploma ha Journalism, wei man ko ka dkhot ka All India Democratic Students Organisation (AIDSO). Da kreh ko leh neibynta i hok ki ASHA wei ha kawi ka yakhih da khi khulooiñ ko. Da chimbynta ko leh wow pyrchah ya ka K-Rail Project.

I yalap Election ko toh deiwa kynchew poisa kiwa kyrchaan yong ka, ki lok ki jor, ki dkhot ka Party wa kiwa chong chnong kiwa da e Rs. 10 hadooh Rs. 50 yow ye ko u chon ya ki kot lakdop wa ki Poster.

Da lai ko leh na kawi ka yung cha kawi yow paan yei kyrchaan wei deiwa yachem leh mar dei khmat wa ki bru paidbah.

Da yaleh Election ko hajrong ki yurim yeiwa emkaam kiwa chong chnong nadooh i duna um wa kiwi de wei neibynta i duna ki Doctor ha Kottayam Medical College wa i chem chitom ki warep.

Na Ettumanoor, daw hap ko wow yaleh Election pyrchah ya kiwi ki heh spah tangwa da ngait ko wa ye hi u jop khlem poisa leh.

Related posts

Chem ki pulit ya ka karkhana wa chna thok yei Sensodyne Toothpaste

April 3, 2026

Siat ka Iran ya ka Jet ka US | Da ka song poisa tyrwa ya kiwa yoh u kem ya ki Pilot

April 3, 2026

Da yoh ko leh yei yaroh na kiwa boon yeini wa da leh ko deiwa ong wa sñiawthooh ko yeiwa emkaam ki paidbah khamtam wa ka bei u pa ko toh kiwa kreh mylla.

I thap Vote ha Ettumanoor Constituency wa em ha Kottayam District toh ha ka 6 tarik uni u bnai wei katkam ka kyndon, u chah wow pynlut Rs. 40 lak uwi u kyndon.

Ka kyndon da ong ko leh wa ka Security Deposit man ko Rs. 10,000 neibynta ki General Category wa Rs. 5,000 neibynta ki Scheduled Caste. Tangwa daw dooh ya ka Deposit lada ym yoh ya ka Minimum Vote.