Chem ki pulit ya ka karkhana wa chna thok yei Sensodyne Toothpaste

Ki pulit ka Delhi Police Crime Branch da yoh ki wow chem ya ka karkhana kawa chna thok ya ki Sensodyne Toothpaste wa em ha Khanjawala, heiwa da kem ya uwi u bru wa tip kam u Hari Om Mishra uwa sah ha Sector-2, Rohini.

Na kani ka karkhana da chem palat 10,000 tylli ki tadong wa thylli wa 1,200 tylli ki tadong kiwa da thap dawai lamieñ deilang ki kor, ki synduk kiwa chongdor da ki lak tangka.

Yeini da chem ha ka 2 tarik uni u bnai deiwa lai ha ka kudam wa em ha C-Block, Mahaveer Vihar, Khanjawala, Delhi.

Related posts

Pynlait im ka Indian Navy ya ki 20 ngut na ka lieñ khwe dakha wa chah rahbor ha ki Pirate

November 3, 2026

Yap 8 ngut kiwa khih mylla nei chah riñ bordiñ

November 3, 2026

Neiliang ki pulit ka Crime Branch Police Station da pynngat ki yeini hapoh ki kyndon ka Bharatiya Nyaya Sanhita (BNS) wa ka aiñ Copyright Act.

Hawa takit ya u Hari Om Mishra da phla u wa da chim wai u ya kani ka kudam yow thap ya ki dawai lamieñ ha ki tadong wa da thoh pyrtuid kam i yong ka Sensodyne heiwa i dawai toh iwa yoh u na ki yaaw ki haat wa em chajan wei da leh u yeini khlem da yoh bor wei khlem em ka License.