Ka Lion S&YA da rah ko yei naam Champion yong ka District Cricket League 2026 deiwa pynrem ya ka Goodwill Mupliang SC ha ka Final ynne ka sngi deiwa jop da 53 Run.
Ya ka kylla-khlem da jop da ka Goodwill Mupliang kawa da jied wow kawang bol nyngkong. Kamtæ ka Lion S&YA da lai ko wow kamai 160 Run na ki 25 Over diewa haap 8 Wicket. Na kiwa Bat, u Firstbornson Dkhar da kamai boon Run u deiwa yoh 43 Run na ki 43 bol, pynbood won da u Nick Dann uwa kamai 27 Run na ki 13 bol, katwa u Deibormi Rngad (C) da dat u 26 Run na ki 37 bol. U Echwa Phawa wa u Byforcestar Dhar kiwa kawangbol ka Goodwill Mupliang da yoh ki u pynhaap mar 3 Wicket na ki 5 Over.
Ka Goodwill Mupliang hawa beh ya ka thong, da ye ko u wow kamai du 107 Run deiwa dooh lut waroh ki Wicket na ki 24.3 Over iwa duna na 54 Run yow poi cha ka thong.
Na kiwa Bat yong ka, u Echwa Phawa da kamai boon u deiwa yoh 27 Run na ki 28 bol, pynbood won da u Byforcestar Dhar uwa kamai 15 Run na ki 11 bol. Na kiwa kawang bol ka Lion S&YA, u Nick Dann da yoh u pynhaap 4 Wicket na ki 5 Over, katwa u Deibormi Rngad (C) da yoh u 2 Wicket na ki 5 Over.
Yei naam Man of the Match da yoh u Nick Dann yong ka Lion S&YA uwa da lehbha da ka Bat wa ka bol.
Yei naam Most Promising Player kani ka League da yoh u George Branly Tariang yong ka War Jaintia United. Yei naam Best Batsman wei Man of the Tournament da yoh rah da u Byforcestar Dhar (340 Run wa 6 Wicket na ki 6 Innings) uwa yalehke ka Goodwill Mupliang SC.
Da saam leh yei naam Best Bowler cha u Conard Sana (17 Wicket na ki 6 Innings) uwa kawang bol ka The Legend (Lissi Pearl).
Ya kani ka yakhun Final da wan wow sakhi da u Wailadmiki Shylla uwa man kam u Montri ka chnat Minister of Sports & Youth Affairs deiwa emlang u Medling Swer, Executive Member ka JHADC chirup wa u Khroobok Passah, Asstt. Director ka Sports & Youth Affairs neitæ u President ka Association, u Eddy S. Shylla, ki Vice-President, u General Secretary wa kiwi ki dkhot yong ka Association.
Discussion about this post