Ka Dorbar Chnong Pdengshakap kawa haap hapoh ka Amlarem Civil Sub-Division, ha ka 7 tarik uni u bnai da saam ko ya ka song poisa cha kiwa jop ya ka Lucky Draw kawa da pynkhle ha ka 4 tarik uni hi u bnai kam chibynta u pynmih poisa ya ka Pdengshakap Secondary School.
Ha ka yalang saam Prize wa pynlai da u Chairman ka Lucky Draw, u Rishot Shylla, da emlang u waheh chnong ka Pdengshakap, u Savio Buam, u Secretary, u Ferdinand Pohthmi, u Treasurer, u Belower Khyriem neitæ u Richard Suting najrong kiwi won ki dkhot.
Ya ka 1st Prze kawa Rs. 3,50,000 da yoh da u Jahangir Hussain uwa kreh ha Dalmia Cement, Thangskai, East Jaiñtia Hills, ka 2nd Prize kawa Rs. 1,00,000 da yoh u Mut Khyriem na ka chnong Shkentalang, katwa ya ka 3rd Prize kawa Rs. 50,000 ym pu em wa wan kam ka, wei u Number wa pam toh 37450.
Da saam leh ya ki Consolation Prize wa mar Rs. 5000 samen wa da yoh u Mechanki Syngkon uwa man kam u waheh chnong ka Lailyngdoh Syiem Jingsuk wa u Junom Dkhar uwa na Pdengshakap.
Kiwi won ki le tylli ki Consolation Prize wa sah ym pu em wa wan kam wei ki Number wa pam toh 23113, 15154 wa 18271.
Neiliang u Chairman ka Lucky Draw, u Rishot Shylla chim u leh ka kabu wow e khublei ya waroh kiwa da e i kyrchaan, i yarap neibynta iwa mut wa thmu ka chnong wa kynthup nadooh kiwa yarap thied Ticket Lucky Draw wa kiwa chimbynta ha ka lympung yalehbol.
Heijooh i por leh e khublei u ya ka sorkar jylla kamjooh u MLA ka thaaiñ, u Lahkmen Rymbui hajrong ki kaam wa bha wa da yarap u ya ka chnong deiwa yooluti leh wow dang pteiñ yarap chooh chooh ya ka chnong.
Heiyatoh wa ki Prize wym pu em wa wan kam, da kyntu u ya ki lok ki jor wa thied Ticket wow sñiawbha ki u pait ya ki Ticket yong ki wei wow wan kam leh ya ki Prize, neibhah kamwa da toh ka bhah yong kiwi, kwah ki leh wow e kti cha kiwa toh hok u yoh ya ki Prize.
Discussion about this post