U MLA ka UDP na Khliehriat, u Kyrmen Shylla da ban joor u wa emkaam ya ka sorkar wow chah u tih mooyong kam nachwa deiwa pynkylla ya ki kattu katni ki bynta ka Standard Operating Procedure (SOP) khnang wow ye ki bru u kamai kamjooh wow yada ya ka mariang.
Da ong u wa ki bru ym kwah ki wow leh ya ki kaam wa pyrchah ya ka aiñ, kwah ki wa ka sorkar u e ko ya ki SOP khnang wow ye u leh yeiwa emkaam, hawa pynsñiaw leh yei kyrchaan ya ka Jaiñtia Coal Miners and Dealers Association’s (JCMDA).
Chooh chooh da ong u wa i khang ka NGT wow tih mooyong ym em myntoi i ya ka mariang tangwa da pynjoor donhi i ya ki kaam wa man pyrchah aiñ.
Da ban u yei emkaam wow tih mooyong kam nachwa deiwa pynrap yei emkaam u man iwa chngaaiñ iwa ye u myntoi waroh deiwa wanrah ya ki thaw pynkhooid um (water filter) chwa wow kai ki cha ki wah wei wow yait nei khloh yei khyndaw iwa ye u ktah yei khyndaw hadien.
Heijooh i por da kyntu u yei krehlang wa ka sorkar khnang wa i kaam u man iwa lai bait.
Discussion about this post