U Chief Minister ka Meghalaya, u Conrad Sangma ynne da yachem u wa u Union Minister Kiren Rijiju ha New Delhi wow pynsñiaw yei sñiawkhia hajrong i thmu wow pynkylla ya ka Foreign Contribution (Regulation) Act (FCRA).
Ya u Conrad da synraan da u Deputy Chief Minister Prestone Tynsong wa ki dkhot ka Catholic Bishops’ Conference of India.
U Conrad da ong u wa da yachem wa u Kiren Rijiju ha New Delhi heiwa da yaklam hajrong ka FCRA Amendment Bill neibhah wa ki seiñ niam da chakri bha ki la hei puræ, i sumaar, wa kiwi ki kaam bhalang khamtam ha ki thaaiñ ri-loom.
Da ong u wa da pynsñiaw yei emkaam u yada ya kini ki kaam wa kongsan ha ka imlang sahlang heiwa ymtoh wow thut ki deiwa pynrap yei emkaam u em i khooid wei biang hei kheiñsap ya ka poisa.
U Conrad da ekhublei u leh ya u Rijiju wa da ap u yeiwa da tyrwa yaklam heiwa u Rijiju leh da kular u wow yaphyllu wa kiwa embynta chwa wow pynkyla ya kani ka aiñ.
Discussion about this post