Pynneh ka SC ya i rai ka Telangana HC heiyatoh wa u heh Congress wa kdong ki pulit Assam

Ka Supreme Court of India ynne da pynneh ko ya i rai ka Telangana High Court wow e Transit Anticipatory Bail ya u heh ka Congress u Pawan Khera heiyatoh wa ka FIR wa chah ujor u ha Assam.

Kani ka case toh hadien wa u Pawan da pynbaad u ya ka Riniki Bhuyan Sarma, ka kurim u Chief Minister ka Assam, u Himanta Biswa Sarma wa em ko boon tylli ki Passport.

Ka Bench yong ka Supreme Court da pynneh ko ya i rai ka High Court deiwa paan jubab na ka sorkar Assam kawa da kob ya i rai ka High Court.

Chooh chooh ka Supreme Court da pynche ko leh wa lada u Pawan lai u cha ka Court ha Assam neibynta ka Anticipatory Bail, ka hukum ka Supreme Court ym ktah ko ya i rai ka Court ha Assam.

Related posts

Angnood ka sorkar pyrdi wow pynboon ya ki MP ha Lok Sabha cha ka 850 Seat

April 14, 2026

Phah Notice ka Supreme Court cha ka ECI hajrong ka Biometric Verification hawa thap vote

April 14, 2026

Ha ka 10 April, ka Telangana High Court da e Transit Anticipatory Bail ko ya u Pawan chi tayaaw wow paan jamin na ka Gauhati High Court deiwa ong wa da pynkrehkaam ya ka Article 21 ha ki case heiwa em i tieñ ya chah kem ha kani ka kynti.

Ka sorkar Assam da pyrchah ko ya kani ka hukum deiwa ong wa ym em yatoh ko wa ka Telangana wei toh u bichaar ya ka case ha Assam heiwa da register ya ka FIR wei ki pulit ka Assam da pynngat ki oo hapoh ki kyndon waphær ka Bharatiya Nyaya Sanhita wei da thooh da kynreh ki ya ki yung wa sah u ha kylleiñ.