Pasi uwa kamai kari hadien wa dawa u Sub-Inspector Rs. 50,000 wow pynlait ya ka kari

Uwi u bru wa kamai kari uwa 30 snem i rta da pasi u hadien wa chah dawa poisa Rs. 50,000 ha u Sub Inspector ha Indore wow pynlait ya ka kari u.

Ya uni uwa kamai da tip kam u Abhishek Patil wei man u samen uwa kamai ha yung weiwa da riñ u yei video chwa wow pasi u heiwa da ong u wa dadep dih beer u wei da baam biryani u wei da khana u yeiwa jia ya oo.

Da ong u wa u pynkut u yei mynsien wei u Police Officer leh ymye de u wow im deiwa suk wei emkaam wow chah suspend u.

U Abhishek da khana u wa ym jooh dih kiad u wei ym jooh baam doh u, tangwa nei khia i thij i pyrkhat yeiwa leh u pulit da dih da baam noh u.

Related posts

Thooh ki pulit ya kiwa tooh na iwi i dukan

June 6, 2026

Chah slaitbor kawa dang 17 snem kawa kreh ha iwi i yung ha Shillong wei chah beh kreh leh ka bei ko

June 4, 2026

Ya uni u sahep pulit da tip kam u Sub-Inspector Manohar.

Ka yutip wa yoh da ong wa ha i miet ka 6 April 2026 ha Rajendranagar ka kari u Abhishek da tyrrah ko ya kawi ka kari nadien hadien wa sangeh syndet ko heipor wa lai.

U Abhishek da ong u wa uwa yah ya katai ka kari uwa da muaid da dawa u Rs. 25,000 hanla takha ka kari kajiak yeiwa ye u chna du hapoh Rs. 500-1,000.

Hadien ini, uwa yah ka kari da phone u ha u 112 Emergency Helpline. U Abhishek da khana u wa u Sub-Inspector Manohar na Rajendranagar Police Station da dawa u Rs. 50,000 na oo wow pynlait ya kani ka kari u Abhishek.

Hadien wa mih i video, ya u Sub-Inspector Manohar da beh kreh noh chipor katwa i takit dang lai i chaphrang.