Ka Sunetra Pawar kawa man ka kurim u heh warim ka Nationalist Congress Party uwa man leh u Deputy Chief Minister warim ka Maharashtra, u Ajit Pawar u jop suk ko ya ka By-Election na Baramti Assembly Constituency ha katai ka jylla hadien wa randien noh u kyrtong ka Congress.
Ya ka By-election da booh wow pynman ha ka 23 April 2026.
Ka Congress da ong ko wa da randien ko na ka Election kam ka dak wow warom ya u Ajit Pawar uwa da yap hawa haap ka lieñsuiñ ha ka 28 January ha Baramati Airstrip.
U heh ka Congress, u Ramesh Chennithala uwa pait ya ka jylla da pyntikna u yeini heiwa da ong u wa ka By-Election da emkaam ko hadien wa yap u Ajit Pawar wei kam ka dak wow warom ya oo da rai wow randien noh nei yakhun ya ka.
Ha ka 6 tarik uni u bnai u Chief Minister ka Maharashtra, u Devendra Fadnavis da yaklam u wa u heh ka Congress, u Harshwardhan Sapkal wow kyrpaad wow randien na kani ka Election heiwa da thung kyrtong ka Congress da u Akash More uwa man u muktiar uwa da pdiang wow randien na ka Election.
Puræ Chooh: Yap u Deputy CM ka Maharashtra hadien wa haap ka lieñsuiñ wa chong u
Discussion about this post