Hadien wa kut i thap vote ha Assam ynnin ka sngi, u Chief Minister, u Himanta Biswa Sarma da sñiawskem u ya ka Result ka Election deiwa ong wa da che kdar wot chwa wow ñiaw ya ki vote.
Hajrong i yaklam wa yah ki khynroo ya ki kaam saiñ hima, u Himanta da ong u wa ym em kam kitæ ki “Gen Z Voter” ha Assam, deiwa ong wa ini toh i pyrkhat wa bakla wei iwa em iyi iyi cha lyndet deiwa pynrap wa ha Assam ki bru kheiñkor ki ya i man i long ki manyung wa yatylli khlem i yaphiah.
Chooh chooh da kylli u kammon u tip ya kitæ ki Gen Z hawa ha Assam ya i rai da chim bait na ki manyung deiwa pyrkhat yei bha i miat.
Da ong u leh wa kam ini i rukom pyrkhat em i du ha Bangladesh wa Nepal ymtoh ha India.
Discussion about this post