Ka Seiñ Kur Rymbai Pamrapaithlu da pynkut ko yei lehkmen dap 25 snem ka Seiñ Kur ha ka 11 tarik uni u bnai deiwa wan sakhilang da u Kyrmen Shylla, MLA kam u kongsan chirup wa u Deputy CEM ka JHADC, u Lasky Rymbai kam u symbood kongsan deiwa emlang leh kiwa yakhmat na kiwi de ki Seiñ Kur.
Ka phang pyrdi kani ka lehkmen toh “Di Maia Chaphrang U Tia”.
U kongsan hawa e yei klam da khana u wa kam uwa mihkhmat paidbah da yoh u chiboon i pynsñiaw na kiwa boon hawa lai u cha kini ki yalang yong ki seiñ kur.
Da chem u leh wa hachwa u man ki Election mih kitæ kiwa mihkhmat kiwa khlem yurim ki wym tip de u sarom ya ki ma ki woh wa ki waheh hapoh ka kur wot haph ka yung ka sem. Kamtæ da ong u wa lada man ki khynroo kamni man ko iwa maa ya ka chnong ka thaw wa ka imlang sahlang.
U symbood kongsan kam u tre kur da e u yei sneiñ i kroo kamjooh da khana u wa ka JHADC da sdang ki u chna ya ka aiñ yow tipmit noh ka sorkar ya ka Dorbar Kur, ki waheh kur hapoh u pood u ang ka JHADC.
Neiliang u Khroo L Pariat, President ka Dorbar Ki Waheh Kur Ri Jaiñtia, da pachat u ki symboh pyrphat hapyrdi ka dorbar wa cha ki khon khynroo, wa em i maa ha kini ki sngi heiliang ka chongkha chongman lada ki khon khynroo yong kawon kawon ka kur wym tip ki yei man kyrpang ka kur ka jait. Da ong u wa ka jaitbru yong i toh ka jaitbru wa kyrpang deiwa yoh i ya ka jaitbru wa chim jait na ka bei. Kamtæ lada chongkha khleh ki khon khynroo yong i daw dooh i ya itæ i man kyrpang yong i wei daw dooh i leh wot yei man ST wa kiwi kiwi ki laad yarap ya ki waheh kur lane na ka kur ka jait hi waroh kawi.
Da e nongmuna u yei chongkha chongman khleh wa daw pyndooh jait ko ya ka rukom im rukom long yong i kam kiwa jooh myllien ki waheh ha ki por waroh.
Da yoh leh yei klam na kiwa boon kiwi ki waheh na kiwi de ki kur kiwa da wan chimbyntalang.
Discussion about this post