Chah kem ki le ngut kiwa tooh ya ka Rifle napoh ka karkhana MCCL

Hadien wa wiar kawi ka .303 Rifle na ka karkhana ka MCCL kawa booh hapoh ka Store Room heiwa da em leh ka FIR wa da e heiyatoh wa ini wa jia wei da chem wa wiar kani ka suloi da ki Home Guard wa em Duty ha kani ka thaw.

Kamtæ ha ka 11 tarik uni u bnai, kini ki Home Guard kiwa em Duty hapoh ka MCCL da wan mih ki cha Sohra Police Station yow pyntip yeini wa jia heiwa da Register leh ya ka Case.

Ynne i janmiet, da lai rah ki pulit ya ki ar ngut kiwa suba wa emkti ha ini i kaam kiwa tip kam u Shaiborlang Jyrwa (21 snem) uwa na Marai Thymmai, Sohra wa u Sawbor Sooting (20 snem) uwa na Mawkisyiem, Sohra heiwa da kylli takit ya ki leh.

Kini ki ar ngut da phla ki yeiwa chim ki ya kani ka .303 Rifle napoh ka Administrative Building ka MCCL.

Da khana ki wa da murieh ki ya kani ka suloi ha i yung ka Alpha Mary Jyrwa Nongseij, kawa man ka beipun u Shaiborlang Jyrwa iwa em ha Mawkisyiem, Sohra.

Related posts

Da e kti biang ya ka khet ka Hima Mylliem cha u Ainam Manik Syiem

August 18, 2026

Wan mih ki khynroo khyllood cha ka Recruitment Drive ha Khliehriat | Hadooh Rs. 2.75 lak chi bnai ka ka tulop ya kiwa yoh kreh cha baar ri

August 18, 2026

Hadien wa lai cha ini i yung deiwa lai yah kini ki ar ngut, da chem ya kni ka Rifle wa chah tooh kawa da murieh ha ini i yung wa em ha Mawkisyiem, Sohra heiwa da chimkhti noh ki pulit ka deiwa em kiwa sakhi.

Ki pulit da lai rah ki leh sa ya uwi uwa tip kam u Teilang Sohkhia (19 snem) uwa na Marai Thymmai Sohra heiwa ya kini waroh da kem noh ki wei daw lai rah ki hakhmat ka yung kasari ha ka 15 tarik.