Khut uwa kreh ya ka kynthai u psiah chapoh kamra Doctor yow chim kabu | Lai khang wei ujor ka KSU

Ka KSU Laitumkhrah Unit hei janmiet ka 14 tarik uni u bnai, da yoh ko wow lai ksoh ya uwi u baar jylla uwa tip kam u Bulu Malakar uwa napoh Karimganj District, Assam uwa sah hapoh Laitumkhrah New Colony uwa kreh kam uwa dai dawai (Sales Person) tangwa da kam u wa toh u Pharmacist ka dukan wa tip kam ka Meghalaya Pharmacy kawa em ha Laitumkhrah.

Ka seiñ da pyntip cha ka wa da em kawi ka kynthai khyllood kawa lai thied dawai neidaw wa em kha i ktien ko heiwa uni u Bulu da khut u ka chapoh kamra pait bru u Doctor deiwa ong wa emkaam wow thaw BP ka wei da phah thiah u ka leh yow Examin u ka heiwa da tba kti u leh cha ki bynta wym toh u tba wei da jrong kti u ka leh hadooh wa pynhiar u leh ya u Chain patlun u deiwa thmu wow leh yabor ya kani ka kynthai kawa da khyrnigat wei da khai ko joit wei yut ko na kani ka Pharmacy.

Neiliang kani ka kynthai da pyntip ko wut-wut cha ki dkhot ka KSU wei deiwa emlang ki dkhot ka seiñ khynroo ka Laitumkhrah chirup wa u Secretary dong ka Upper New Colony da lai ki cha kani ka Pharmacy heiwa da phah khang ka wei da lai rah ya uni u bru cha Laitumkhrah Police Station.

Related posts

Iñ ka kari ha Pasyih

September 12, 2026

Ar tylli ki Petrol Bomb chah kawang ka Laban Police Station | Lait ki le ngut ki pulit nei mynsoo

September 12, 2026

Ka seiñ deilang ka yung ka sem kani ka kynthai da lai booh ujor ki leh ha ka Women’s Commission ka jylla pyrchah ya uni u baar jylla.