Ka CCIB deilang wa ka KSU da beiñ joor ki ya ka NBCC yeiwa rai ko wow sdang u pynchna ya u sarok hajan u pood ka India wa Bangladesh khlem da yoh bor na ki tre thaw wei khlem da pyntip leh.
Da ong wa ini wa leh ka NBCC da wanrah ko yei kynaad hapyrdi kiwa boon ki liang kiwa chah ktah na ini i pynchna sarok.
Da beiñ leh ya u DC ka West Jaiñtia Hills District, u Abhinav Kumar Singh yei wym em ye u wow pait yeiwa ood wa naam ki tre thaw heiwa da pyrchang bait u wow pynlai yeini i kaam chakhmat dei bor.
Ka CCIB wa ka KSU da dawa ki na u DC wow Resign u neidaw wym em man u u bru uwa biang wow leh yei kaam deiwa kylli leh na ka sorkar yei daw wym chimkhia ko ya ini i kaam.
Da paan pynche leh wa kiyi kiwa da e bor wow sdang yei kreh deiwa maham leh ki ar seiñ wow yaleh pyrchah yeini i kaam wa leh dei rieh wei ka sorkar hi leh hap ko wow bahkhlieh lada jia iwon iwon.
Ka KSU da ong ko wa ym em pyrchah ko yei kær pood tangwa pyrchah yei wym em i yaklam wa ki tre thaw deilang ka CCIB yow ap u sñiaw yei eh wa maad ki tre thaw.
Discussion about this post