Ka Jaiñtia National Council (JNC) 7 Chnong Circle, da pynsñiaw ko yei sñiawkhia iwa joor hajrong i thut wei dooh bordiñ iwa neh slem, iwa ktah ya ki 7 tylli ki chnong kiwa haap hapoh ka Khliehriat Division, MePDCL, East Jaiñtia Hills, heiwa ha ka 14 tarik uni u bnai da yoh wow lai yachem wa u SDO ka MePDCL Khliehriat Division deilang wa ka dorkhat.
Ki 7 chnong toh kiwa kynthup ya ka Moolamanoh, Moolang, Musniang, Musniangrim, Rangad, Lumputhoi wa Moonongtdu kiwa da maad yei dooh bordiñ man-i-por deiwa neh slem da ki kynta ha ka chi sngi tangwa ka bai bordiñ won man ko kawa syad dor.
Ka JNC da pynsñiaw ko leh yei sñiawkhia wym yatoh ka bai bordiñ tang kajiak leh manda kheiñ yei rukom pynemkaam.
Ka seiñ da booh ko yei kylli ya ki daw wa jia kam ini i thut lada toh nei chna, nei thut ki sainar bordiñ næ nei pynthut ka bor ramaw tangwa ini waroh ki wym em kattæ, kamtæ da kylli biang neiyi i daw wa dooh bordiñ.
Da ong leh wa ini da ktah joor ko ya ki khynnah skur, kiwa pynkhreh ya ki Exam wa boonjait iwa ye leh u wanrah yei doohnong iwa khroo.
Hawa yaklam wa u SDO, da ong wei da pyntikna u leh ya ka seiñ wa ya kani ka kaam daw chimkhia u wei daw pynbait u leh chisyndon wei ym jia de i.
Ka seiñ da kyntu joor ko ya ka MePDCL wow pyntikna wa i su bai bordiñ toh u man ko thij katkam i pynbiang bordiñ da iwa biang, wei lada ini pteiñ i wow jia, neiliang ka seiñ daw chim ko da kiwi ki laad ki luti kiwa khor.
Discussion about this post