Khut sñiawbha ka Seiñraij Ialong cha ka Lehniam Thoh Ryngkaw 2026

Ka Seiñraij Ialong kamwa jooh pynman ya ka Lehniam Thoh Ryngkaw man-u-snem, myntu u snem ka Seiñraij Ialong chirup wa ki khon Raij ki yong ka nadooh ka Raij Wahijaer wa ka Nongkyllep daw pyndep ki ya ka lehniam leh ryngkaw ha i step yong ka 20 tarik u April, 2026 nadooh 5:00 waje i step.

Kamtæ kam ka dak u pynemburom ya kani ka sngi, heipor 2:00 waje i sngi daw pynman ya ka Noh Sakyriat kawa man leh kawa phær neibhah wa kiwa boon ki Raij ym em leh ki ya kani.

Ha ka 21 tarik won daw pynbood da ka Mihloom (Chaad Sukra) heipor kamwa 1:00 waje i sngi.

Waroh kini ki tamasa daw pynman ha ka Madan Seiñraij Ialong, Thlumusiang Ialong.

Ya ka Lehniam Thoh Ryngkaw da pynman hachwa wow hiar ki khon ka Seiñraij cha ki hali ki hator ki yong ki kam i dak u kær u e ngooh ya u Trekirot Kynrad yow da yow kær u yei thung yong ki paaid ki raiot kamjooh i chait i nang yong ki khon ka Seiñraij Ialong.

Related posts

Wow e ngooh ya ki Soo Dwar wa ka Tawiar ka Takan, pyndep ka Raij Jowai ya ka Kñia Khang

June 7, 2026

Pyndep ka Raij Jowai ya ka Kbai Mooknor wow e ngooh ya ki Soo Dwar Soo Luti

June 6, 2026

Hawa yatoh wa ini, ka Seiñ Raij Ialong da khut wei wer sñiawbha ko ya waroh ki khon ki hajar yong ka Bri u Ynñiawtrep Ynñiawskum wow wan sakhilang ya kani ka tamasa lehkmen yong ki khon ka Raij.

Ka khubor na u Juhhi Pale, General Secretary Seiñraij Ialong.