Ka Director ka Directorate of Tourism, ka B.L. Pakyntein, da pynche ko wa ka chnat toh kawa bien u yaklam wa ka Green Tech Foundation (GTF) kawa da pynman yei yakhih yow pyrchah wow chna u tei ya iwon iwon ha Lumpongdeng Island.
Tangwa ka GTF da e jubab ko deiwa thoh, heiwa da booh kyndon wow pyndam noh ya ka FIR pyrchah ya ki dkhot yong ka, heiwa ka Director da ong ko wa ka chnat yong ka ym em bor ko wow leh yeini wei ini toh iwa chong ha ki bor District.
Da ban joor ko leh wa ka sorkar da klam che ko wym chna iyi iyi leh iwa man pura (Permanent) ha Lumpongdeng deiwa kyntu leh ya ka GTF wow pyndam yei yakhih.
Da khana ko leh wa iwa dadep thoh ka GTF pyrchah yei chna iyi iyi ha Lumpongdeng kawa da e kti ki ha u Tourism Minister, da phah ka leh cha u Chief Secretary, cha ka Forest Department wa cha u Deputy Commissioner ka Ri-Bhoi District.
Wei hadien ini da khut yachem ya waroh kiwa chong chnong kamjooh kiwa emkti da u DC tangwa neiliang ka GTF ym em wan ko.
Da khana ko leh wa ka Dorbar Chnong daw e ko yei jubab deiwa booh ki kyndon wow pynyoh kreh ya ki tre chnong, u kyrchaan ki hei khih i khan ki wei wow yada ya ka ramaw heiwa ka Tourism Department toh kawa smat wow leh yeini.
Da pynsñiaw ko leh yei sñiawkhia yei yakhih chah thngan da ki dkhot ka GTF khamtam yei chait i khiah u Chairman ko.
Ha iwi won i liang, ka Meghalaya State Pollution Control Board (MSPCB) da pynkylla ko ya ka kyndon ka Consent to Establish (CTE) kawa da pynmih ha ka 17 tarik u March heiwa chah hi ko wow chna u tei da kiwa man pura (Permanent) ha Lumpongdeng Island kam chibynta ka Taj Umiam Resort & Spa.
Tangwa hadien wa joor i pyrchah na ka GTF da pynkylla ya ka kyndon wa ong wa ye u pynemkaam 36 Acre i thaw ha Lumpongdeng yow booh ki Villa, ki Restaurant, ki Café wei kattæ won da ong wa ha kani ka thaw ym chah u chna iyi iyi wa man pura.
Discussion about this post