Yap uwa kreh ha Resort nei chah riñ bordiñ heipor wa beh ya u chrieh

Uwi uwa kreh ka Resort da yap noh u hadien wa chah riñ bordiñ katwa dang beh u ya u chrieh da u naar rod ha Chhatarpur District, Madhya Pradesh ha ka 15 tarik uni u bnai.

Ya uni u bru da tip kam u Ranu Raikwar, uwa sah ha Khajuraho wei da sdang kreh u ha ka Resort dang du kattu katni sngi donhi.

I Video na ka CCTV ka Resort da yoo ya u chrieh wa ku u ha tnoom ka Resort hajan Khajuraho Railway Station wei manda yoo ya oo, u Ranu da rah u da u naar rod wow beh oo.

Heipor wa rah u ya u naar rod cha suiñ da bi u ha u sainar High-Voltage wa lai najrong ka Resort wei da yap u pyn hapoh kattu katni Second ha madan.

Mar ya tip yeiwa jia, ki pulit na Bamitha Police Station da lai ki cha i thaw wei da chim yei metyap wow leh ya ka Post-Mortem.

Related posts

Dawa ka HITO na u Licensing Officer ka JHADC wow khang ya ki baar jylla kiwa wan tyrwa tiar

April 16, 2026

Tipmit ka sorkar ya ka ktien Khasi wa Garo | Daw ye u pynemkaam nadooh wow thoh Exam hadooh hapoh ka Dorbar Chna Aiñ ka Meghalaya

April 16, 2026

Ki pulit da takit ki leh wa lada u sainar High-Tension da lai u najan ware u wa i tnoom ka Resort wei lada em i tyngkheiñ ya ka aiñ iwa ye u man wa kheiñstiñ kiwa pynlai ka Resort.

U tre ka Resort, u Jay Tiwari da pyntikna u yeiwa jia heiwa u sainar 33kV wa lai cha ka Railway Station lai u na khlieh ka Resort heiwa da em i pyrchang wow kyrriah ya oo tangwa ki bor wa toh u pait da kyntait ki.

U Ranu Raikwar da ieh u chadien ya ar ngut ki khon wei toh kiwa sah ha Premnagar Colony, Khajuraho.