Tipmit ka sorkar ya ka ktien Khasi wa Garo | Daw ye u pynemkaam nadooh wow thoh Exam hadooh hapoh ka Dorbar Chna Aiñ ka Meghalaya

U Montri Rangbah ka jylla, u Conrad K Sangma da pyntip u wa ynne ka sngi ka sorkar jylla da rai ko wow tipmit ya ka ktien Khasi wa Garo najrong ka ktien English yow pynemkaam ha ki kaam sorkar.

Hawa pyntip hajrong ini, u Conrad da ong u sñiawkmen u wow pyntip ya ki paidbah ka jylla wa ka Cabinet da rai ko deiwa sahkynmoo yanom neibynta ki khynroo ka jylla yow pynku ya ka ktien.

Da ong u wa ka Cabinet da mynjur ko ya ka Meghalaya Official Languages Ordinance 2026 wei iwa mynjur ya ka aiñ warim katæ ka Meghalaya Associate Official Languages 2005, da pyndam pyndooh noh.

Ini mut i wa najrong ka ktien English, ka ktien Khasi wa Garo daw tipmit wei klam hawa pynemkaam ha ki kaam sorkar.

Da ong u wa ka sorkar daw wanrah ko leh yei pynkylla ya ka Meghalaya State Legislature Act 1980, yow e laad ya ki MLA wow klam da ka Khasi wa Garo najrong ka English hapoh ka yung dorbar.

Related posts

Yap 8 ngut deilang ki khynnah hei ya tyrrah ka Bolero wa ka Truck

September 11, 2026

Ym em eh u psiah cha ka BJP lada pynhun ko yeiwa dawa nadooh u mooyong, ILP wa kiwi de, ong u MLA ka Mawsynram

September 11, 2026

Ini mut i leh wa ki khynroo khyllood daw yoh laad ki wow thoh Exam da ka ktien Khasi wa Garo iwa daw yarap ya ki chiboon.

Tangwa ini i pynkhreh dang lai i chakhmat wei kani man ko leh kam chibynta i dawa wow tipmit noh ya ka ktien Khasi wa Garo hapoh ka 8^th Schedule ka Constitution ka ri India kamwa da mynjur ka dorbar ha ki snem wa dadep.

Da ong u wa kitu kiwa haap ha Khasi, Jaiñtia wa ka Garo Hills daw pynmih da jar jiar i pynbna.

Chooh chooh da ong u wa ym dam u em i tkoh heini heitai tangwa iwa boon daw man ko i myntoi ya ki paidbah ka jylla.