Ka Jaiñtia Hills Cement Manufacturers Association (JHCMA) ynne da pynche ko heiyatoh wa phah kit ya i khyndaw-bilat da ki Bulker Truck hadien wa mih i yakhih ka JAC yong ki seiñ kamai truck.
Ka JHCMA da ong ko wa i pynkit da ki Bulker Truck toh du neibynta kiwa emkaam khyndaw-bilat chiboon namo ki Bulk Consumer kam ha ki Ready-Mix Concrete (RMC) Plant, i kreh ya ki Project wa heh, ki kreh sorkar, ki Contractor wa heh wei ya ini da jooh leh da ki karkhana wow pynneh yei miat, i pynpoi biang por ya ki mar cha kiwa thied boon.
Chooh chooh da ong wa i pynpoi mar da ki Bulker Truck toh wa da em ki kor wa kyrpang wow pynhaap ya i khyndaw-bilat ha kini ki thaw wow pyntikna wa poi biang por kamjooh wow chngaaiñ kiwa kreh.
Da ong leh wa boon kiwa thied yei khyndaw-bilat rap boon toh kiwa da em ki kor wa ki thaw wa kyrpang yow pynhaap Cement, deiwa pynrap wa lada ym em kini ki thaw wa kyrpang daw pynthut i yei pynpoi yei mar heiwa daw hap thied ki yei khyndaw-bilat nawi ki thaw.
Ka JHCMA da kdaw ko leh wa i pynkit da ki Bulker Truck ym ktah næ pynduna i ya i kamai ki tre Truck na ka thaaiñ neibhah hadooh katni dang pteiñ i pynkit ya ki khyndaw-bilat kamwa jooh leh wa ki tre jylla.
Da ong leh wa waroh ki Transporter wa da Register wa ki karkhana yoh ki u kit mar kamwa da yakut hapyrdi yong ki wa ka JHCMA.
Heijooh i por da kular leh wow pynneh yei man salonsar, i khooid wei wow kynthup ya waroh kiwa embynta khnang wow yada ya ki Transporter na ka jylla katwa dang joor i dawa khyndaw-bilat na ki kreh ha kylleiñ.
Kamtæ ka JHCMA da kyntu ko ya waroh wow man kiwa sñiawthooh wei wow chaniah ha ka khubor wa tikna neibhah wa man ko kawa smat wow kreh chirup wa waroh wow pyntikna wa ki kaam man kiwa lai bait.
Discussion about this post