Uwi u bru da dooh u yei mynisen hadien wa ka thuk-thuk wa chong u kawa em ya u Number AS-21E-5628 da lai psiah ko khluk hapoh tyngkong kawi ka kari Pick-Up kawa wan mar pyrchah.
Ha kani ka thuk-thuk da chong ar ngut ki bru heiwa ya uwi uwa mynsoo da yoh wow pynkit wut-wut cha Civil Hospital Nongstoiñ.
Uwa yap pyn ha ini i thaw wa jia toh uwa chong hadien uwa na ka chnong Nongdisong wei uwa chongkha ha chnong Risiang kawi na ki chnong ha ka thaaiñ Maweit, West Khasi Hills District wei uwa tip pyrtuid kam u D. Marngar heiwa da antaad wa i rta u toh 38 snem haroh.
Uwa yah ya kani ka thuk-thuk da mynsoo joor u wei da em u hapyrdi i sumaar ha Civil Hospital Nongstoiñ wei da chitom joor bha u.
U sordar ka chnong Risiang da ong u wa kini kiwa chong thuk-thuk toh kiwa chisur chidur wei kiwa tipbru tipblai wei ini wa jia toh du neidaw wa bakla hei manbru wei da pynsñiaw u leh yei sñiawsih wa joor.
Discussion about this post