Ynne ka sngi, u Montri ka chnat Sports & Youth Affairs, u Wailadmiki Shylla hawa e i klam haka yalang wai ya 6 tylli ki mooyurim yong ki kreh wa dadep pynkreh wa kiwa daw pynkreh hapoh ka Nartiang wa Jowai constituency, haka yalang wa da pynman ha Wahiajer, West Jaiñtia Hills District, khana u wa i mang yow chna yow booh Floodlight hapoh ka Multi Sports Complex Wahiajer ha i lut wa Rs. 8 klur tam toh wa da yoo katni wa i yalehke ymtoh de du hei por sngi tangwa wot hei miet leh, katwa heipor sngi boon kiwa hap yabeh yei khih i khan.
Heijooh i por leh toh wa kwah u yoo yei pteiñ i yalehke man-u-bnai khnang yow yoh rynsan bha ki khon khynroo khyllood u pynyoo sap.
Ong haroh u wa da sñiawthooh wa ha ki snem wow wan ha kani ka madan ye u pynman i yalehke Inter District, Inter State heiwa emkaam leh u em ka thaw sah.
Kamtæ ha kani ka sngi da pynbna paidbah haroh u wow mang chna ya ka Youth Hostel ha kani ka madan khnang wa manda em kiwon kiwon ki yalehke ym emkaam de u ki u lai thooh thaw sah.
Heijooh i por pyntip u leh wa haka National Games 2027, ka Wahiajer u man ko kawi ka thaw wa pdiang ya ka National Games.
Discussion about this post