Ha iwi i jia tyrrah kari ha Mauganj District ka Madhya Pradesh, 3 ngut ki khynroo da yap ki wei 2 ngut da mynsoo joor ki hadien wa tyrrah ka thuk-thuk wa chong ki ha ka Truck wa pynyieñ katwa dang chna Social Media Reel.
Ini da jia i ha ka 15 tarik uni u bnai ha u sarokbah National Highway 135 hajan Panni Patharia wa haap hapoh ka Mauganj Police Station.
Ka yutip wei katkam i Video wa da mih, da yoo wa ki 3 ngut wa yap toh kiwa da pynhær bha ya ka thuk-thuk katwa dang chna Reel ki wei da tyrrah ki ya kawi ka Truck wa kit moo-blok.
Ini i tyrrah da man i iwa joor hadooh kattæ heiwa ka thuk-thuk da pra ko phrai wei ki 3 ngut da yap ki hajooh.
Ya ki 3 ngut da tip kam u Uplaksh Kol (17), u Amrish Kol (22) wa u Hemraj Kol (17) na ka chnong Bela hapoh ka Laur Police Station.
Ka thuk-thuk wa kit ya kiwa riñ Video wa kynthup ya u Prashant Dwivedi wa u Pradeep Dwivedi na ka chnong Chitpurwa da mynsoo ki hadien wa ki leh da tyrrah ki ya ka Truck wei da kit ya ki cha Sanjay Gandhi Hospital ha Rewa.
Discussion about this post