Ha ki yalehke ka 5th Meghalaya State League ynne ka sngi, ka Nongkseh SSCC da jop ko da 13-0 ya ka Umkaber SCC ha ka yalehke Group A ha SSA Stadium, Shillong.
Da yoh Hat-Trick u Chesterpaul Lyngdoh (5′, 45′, 56′) wa u Shano Tariang (12′, 38′, 52′) wa mar ar kool na u Khrawkupar Jana (32’P, 45’+1), u Kitboklang Pale (57′, 78′) wa u Sheen Sohktung (70′, 82′) wei kawi won toh kawa thap bakla da uwa yalehke ka Umkaber, u Banshanlang Kharsynniang (30′).
Ki 5 tylli ki Club kiwa na Shillong ynne da jop suk ki wei da jop leh ka Umlakro SC ha Group F wa ka A’chik SCO Rongjeng Group G.
Da em leh uwa yoh Hat-Trick ha Amlarem utæ u Damanbhalang Chyne (12′, 28′, 44’P) yow pynjop da 6-1 ya ka Mawlai SC pyrchah ya ka Lamin XI SCC ha ka Group C. Kiwa de kiwa thap kool toh u Arkibor Makhroh (17′), u Basuklang Bina (32′) wa Wadshwa Lato (86′) katwa ya ka Lamin da thap da u Shanbor Sumer (19′).
Ha ka Group B wa pynman ha madan ka MFA ha Shillong, ka Nangkiew Irat SC da jop ko ya ka Mawphu SC da 3-0 kiwa thap da u Dibinroy Nongspung (5′, 38′) wa u Banshanlang Nongdhar (43′).
Ha ka Goup G ha Williamnagar, ka A’chik SCO Rongjeng da jop ko ya ka Attong Matgrik FC da 3-0 kiwa thap da u Perioush N Sangma (50′) wa u Klubarth M Sangma (66′, 72′).
Ha ka Group F, ka Mishon SSCC da rem ko da 1-0 ha ka Umlakro SC kawa pynman ha Mairang, heiwa ya ka kool da thap da u Jewelstar R Marak (6′).
Ha Wahiajer wa pynman ya ki yalehke Group E, ka Shillong Lajong FC da jop ko ya ka Lamyrsiang SCC da 3-1. Ya ka Lajong da thap da u Hamedamanbha Wahlang (27′), u Lalmuansanga (46′) wa u Deibormame Tongper (63′) katwa ya ka Lamyrsiang da thap da u Eborki Marsharing (45’+2).
Ha Mawkyrwat wa pynma ya ka Group H, ka Rangdajied United FC da jop ko ya ka Seng Samla Umdang Pyllun da 3-1. Ya ka Rangdajied da thap da u Pasborlang Khonglikong (9′), u Phibankhrawbok Nongkhlaw (31′) wa u Khainkupar Iawphniaw (62′) katwa ya ka Seng Samla da thap da u Rangkynsaistar Mawsor (86′).
Ha Khliehriat wa pynman ya ki yalehke ka Group D, ka yalehke hapyrdi ka Ladthadlaboh SC wa ka Jalaphet Moochut Pyrdung SC da kut ko da 2-2. Ka Moochut da thap chwa ko ar kool lyngba u Thomas Dkhar (57′) wa u Briwon Dkhar (59′) tangwa ka Ladthadlaboh da ye ko wow su kylliang da ki kool u Andrew Nanghuloo (71’P) wa u Evening Tariang (90’+1).
Ki yalehke mynstep kiwa waroh daw sdang heipor 3PM:
Group A (Shillong SSA Stadium) – Khimusniang SC vs Mawshun SCC
Group B (Shillong MFA Ground) – Mulang SC Nongbah vs Mawlum Tyrsad SCC
Group C (Amlarem) – Amlarem SC vs Laskein SCSC
Group D (Khliehriat) – Rymbai Shkenshynriah SC vs Thangskai Tiger SC
Group E (Wahiajer) – No match scheduled
Group F (Mairang) – Lawbah SC vs Langsning FC
Group G (Williamnagar) – Maram FC vs Janepih YSCA
Group H (Mawkyrwat) – Mawten SC vs Mawlarshong SC
Discussion about this post