Ka Jaintia Students’ Movement (JSM), Central Body ynne ka sngi da phah ko dei thoh cha u Chief Minister ka Meghalaya, u Conrad K Sangma wow pyrkhat yei eh wa hap maad kiwa yaleh ya ka Exam ka Staff Selection Commission (SSC).
Ka seiñ da ong ko wa nachwa da em i thaw thoh Exam ha Shillong tangwa ha uni u snem da booh thaw thoh Exam ha Jorhat, Assam.
Wei ha uni u snem ka Exam wa jooh pynman ha u bnai February da rah cha ka tayaaw wa khaddooh u April wa cha u May 2026 wei ini da wanrah ko yei eh i khoo ya ki khynroo khyllood kiwa na thaaiñ Jaiñtia Hills neidaw wa jngai wei i lut i sep leh toh iwa heh.
Ka JSM da dawa ko wow pynbiang thaw thoh Exam SSC hapoh Meghalaya khamtam ha Shillong, Jowai wa Tura wei yeiwa da booh thaw katni cha Assam wow rah ki cha Meghalaya.
Kamtæ da kyrmen wa ka sorkar daw chimkhia ko yeini yow lait u chitom kiwa chong chnong ka jylla hi waroh kawi.
Discussion about this post