Ka HYC da phah ujor ko lyngba ka chithi cha ka High Court ka Meghalaya yow tuklar hadien wa yap sa ar ngut ha ka 20 tarik uni u bnai ha u sarok Shillong-Dawki ha i bynta i chnong Mawlieh ka East Khasi Hills hadien wa haap ki moo wa ban ya kawi ka Bolero Pick-Up.
Kini ki ar ngut kiwa yap toh u Wanbor Nianglang (40 snem) uwa chong chnong ka Pynursla wei uwa yah leh ya kani ka kari wa u Nangteibor Khongthohrem (46 snem) uwa chongkha ha Pynursla wei i chnong tre u toh na thaaiñ Amlarem.
Neiliang ki bor District ynnin da pynbna ki wa da khang wow pynemkaam ya uni u sarok.
Ha ka chithi ka HYC da ong ko wa uni u sarok kat dang lai i por da man u uwa maa bha ya kiwa lai luti neidaw i rukom pynchna oo iwa ym em man chngaaiñ najrong wym em leh kær namo ki Barricade wa kiwi ki dak ki chin wow pyntip cha kiwa lai luti.
Da ong leh wa kiwa boon ki bynta uni u sarok toh kiwa maa heiwa da jia boon iwa sñiawsih wei da khuslai leh wa daw dooh chooh ki mynsien bru.
Da dawa na ka High Court wow hukum ya ka sorkar jylla, kamjooh ka NHIDCL wa ka PWD wow leh ki smat yeiwa emkaam yow pynyoh yada, u pynman ya ka Road Safety Audit wei wow booh kyndon yei rukom lai ki kari ha ki bynta wa dang chna.
Discussion about this post