30 sngi u kset ka Israel ya ki chipai wa tympiah ya u mot u Jisu

Ka Israel Defence Forces (IDF) da ong ko wa i jia ha i chnong Christan wa tip kam ka Debel ha Southern Lebanon, heiwa u chipai da tympiah u ya u mot u Jisu yeiwa da chondur da uwi tawon, da em leh 6 ngut kiwi tawon kiwa ym em u pynsangeh yeini wei kamjooh wow ujor ki.

Da ong ko wa i takit da chem wa i leh ki chipai man i iwa phær bak ya ka hukum wa ka yurim ka IDF.

Ka IDF da silet ko yeiwa jia deiwa ong wa ka thma ha Lebanon toh pyrchah ya ki Hezbollah wa kiwi ki seiñ wei ymtoh pyrchah ya ki paidbah ka Lebanon.

Chooh chooh da ong ko wa da kreh ko wa ki paidbah ka chnong wow kylliang ya uni u mot.

Related posts

Poi ka ujor cha ka HC yow tuklar hadien wa yap ki ar ngut nei haap moo ha u sarok Shillong-Dawki

April 22, 2026

E por khaddooh ka JTTA ya ka JHADC wow pynche heiyatoh wa ki dukan ha Iawmusiang Shopping Complex

April 22, 2026

Heiyatoh wa ini waroh, u chipai wa tympiah kamjooh uwa chondur u chah kset ki 30 sngi hapoh patok chipai (Military Detention) wei da pyndam ki na ka Combat Duty. Kiwi won wa emlang wa ki da phah hajir ya ki wow pynche heiwa daw bichaar won ya ki. 

Ya i chem ka takit da e kti ha u Chief of the General Staff wa u Commander ka Northern Command.