Ka District Level Inter School Athletic Meet 2026 wa le sngi ka West Jaiñtia Hills District da sdang ko ynne ka sngi ha Wahiajer Multi Sports Complex hei pynlai ka yung krehkaam u District Sports Officer chirup i ya krehlang ka West Jaiñtia District Sports Association (WJDSA).
Ha kani ka yalehke da em kamwa 725 ngut ki Athlete na ki 23 tylli ki skur ka West Jaiñtia Hills District wa da wan chimbynta ha ki jait yakob waphær waphær yong ki kynthai wa chynrang, kam ha ka kyrdan Under-14, Under-16 wa Under-18.
Ya kani ka Inter School Athletic Meet da wan wow wai pyrda yaka da ka District School Education Officer, West Jaiñtia Hills District, ka Dr. Wa-i-Sa Sumer, heiwa ka Peaceful Pohplet won kawa man ka Best Athlete yong u 2024-25 na ka North Liberty Higher Secondary School, Jowai da yahkhmat ko hei chim smai ya waroh kiwa chimbynta.
Ka Dr. Wa-I-Sa Sumer hawa klam ong ko ka yalehke Sports yarap ko wow pynku ha kiwa boon ki bynta yong ki khon khynroo khyllood, heiwa lyngba i lehke Sports ym du wow yarap pynwandur ko yei doh i pran, tangwa man leh kiwa tip ya ka burom ka akor wei sñiawthooh leh yei yakrehlang.
Hawa kyntu ya kiwa chimbynta u leh bha, ong ko wa manda ye u poi thong ya iwon iwon wa yakhun, man i jop wow sah kynmoo pateiñ lyngba iwon iwon wa chimbynta.
Ha kani ka sngi wai da emlang leh u District Sports Officer, u K. Passah, u Working President ka WJDSA, u EMH Passah, u Vice President, u P. Lamare wa kiwi.
Discussion about this post