Phah pynsmat ka sorkar ya ka NOC na ka BSF wa CPWD wow kreh ya ki sarok khappood

U Symbood Montri Rangbah uwa pait ya ka PWD (Roads), u Prestone Tynsong da phah u ya ka Central Public Works Department (CPWD) wa ya ki chipai Border Security Force (BSF) wow e No Objection Certificate (NOC) neibynta wow pynkreh ya u sarok PMGSY-III ha ki thaw khappood wa ka Bangladesh.

Da ong u wa iwi na ki thaw ha ka thaaiñ Ranikor, South West Khasi Hills toh u sarok wa haap hapoh ka CPWD wa BSF. Da pyntip u wa ka mang poisa da toh u e yow chna ya u sarok tangwa emkaam ya ka NOC na ka CPWD wa na ki BSF.

U Prestone da ong u wa kawi won ka mat wa da yaklam toh ha Ri-loom Garo heiwa em kattu katni ki bynta ki sarok wa haap cha lait i kær naar-chieh ha khappood.

Chooh chooh da pyntip u leh wa em ki bynta wa lai cha lait i kær naar-chieh kiwa ki BSF sñiaw emkaam ki wow liar luti nawi neibynta u sarok wow wanrah noh hapoh i kær pood naar-chieh neibah lada lai cha lait, ka Bangladesh daw pyrchah ko.

Related posts

Chah ktah ka West Khasi Hills District nei wan u slap wa ka la’ær wa joor

April 22, 2026

Da kyrpaad ka sorkar jylla ya ka sorkar pyrdi wow su ya ka bai thaw ya kiwa haap cha baar i kær naar-chieh

April 22, 2026